فاكرين الفيلم ده؟وفاكرين الاخ احمد مش عارف ايه ده.اللى دوخ يوسف بيه وهبى بجلاله قدره هوه والحكمداريه كلها..وكمان فاكرين ازاى القوات انتشرت علشان تمنع شرب سي احمد للدوا ده
ولا الراديو اللى فضى نفسه وقعد يهاتى:
من حكمداريه العاصمه الى المواطن احمد حمدى .لا تشرب الدواء.الدواء به سم قاتل..
ولا البنت بنته المفعوصه مقصوفه الرقبه دى اللى دوخت الفيلم كله من اوله لاخره وفى الاخر تقول ليوسف بيه وهبى يا شاويش ال ايه وهوه يضحك كمان
لا وكله كوم وست مديحه يسرى كوم تانى خالص .ال لما سمعت مهاتيه الراديو راحت واخده فى وشها وجاريه علشان تنقذ سي احمد واللى ينقطك بقى انها هيا سبب الحوسه اللى الراجل فيها وكانت منفضاله وسيباله البيت واللى يشلك انها لما نزلت علشان تلحقه خدت المشوار جرى..طيب ما تركبى يا حجه ليه بس وجع القلب
يقولك علشان اثاره الفيلم .اثاره ايه دى ..
ايه بقى فكرنى بالفيلم ده؟؟
والله ما انا عارفه بس انا جه على بالى سؤال كده ،،لو الموضوع ده بجد وحصل فعلا دلوقتى هل ستتحرك الحكمداريه وينتقل يوسف بيه وهبى واتباعه ويعملوا غرفه عمليات لانقاذ المواطن اللى هيتسمم ده؟؟اصلا من الاول الصيدلى الى عمل العمله الهباب دى هيهتم زى حسين افندى رياض كده؟؟ويلف كعب داير علشان ينقذ سي عماد حمدى؟
ولو ده حصل ومديحه يسري سمعت ان جوزها العاطل اللى مش نافع فى شغل ومجوعها هيا وبنتها هيتسمم هتجرى بالمشوار كده علشان تنقذه وتوصل فى اللحظه الاخيره وتشوط باديها كوباية الدوا المسموم وهوه خلاص هيقربعه وهى بتصرخ احممممممممد بلاش يا احمد
وبعد كده بقى يلاقى المواطن ده اللى هوه زى اى حد ومالهوش اى قريب فى الحكومه ولا معارف واصلين سي يوسف بيه وهبى بحاله هوه والبفه بتاعته كلها فى بيته للاطمئنان على حمدلله سلامه حضرته .لا وكمان البت بنته ام دم تقيل تقول للباشا الكبير يا شاويش من غير ما يتلدع على قفاه؟
تفتكروا ده اللى هيحصل ولا ايه؟مش محتاجه تفكير هيا،،تعالوا كده نمسكها نفر نفر ونشوف
يعنى من اول البنت البارده اللى دوخت البشر بتوع الفيلم كلهم .معتقدش ان فيه عيل بيعمل كده ويلف الدنيا علشان يجيب دوا لحد عيان فى بيتهم بالكتير اوى دلوقتى لو بعت ابنك ولا بنتك للصيدليه هينزلوا لاقرب واحده للبيت ولو ملاقوش اللى رايحين يجيبوه هيرجعوا جرى ويقولولك ملاقيناش اطلبه دليفرى!!
الصيدلى بقى اللى عمل التركيبه القاتله دى،،يا ترى هياخد باله اصلا انه غلط؟؟ولو سلمنا انه اخد باله..هيجرى علشان ينقذ اللى هياخد الدوا ده ولا هيكبر وخلاص ويقول هوه وقدره بقى ويا عم انا مش ناقص مشاكل ووجع قلب؟
ولو اهتم وجرى على اقرب قسم يا ترى الحكومه هتهتم؟يعنى المأمور هيعمل زى يوسف وهبى كده ويشكل غرفه عمليات علشان ينقذ المواطن الغلبان ده؟اللى يا عينى مش عارف يلاقيها منين؟؟
من غلو الاسعار ولا من الدوا المسموم ولا من الخضار المسرطن ولا من فيروس سى ولا من انفلونزا الطيور ولا من لحم الحمير
اعتقد انه احسنله يشرب الدوا ويفلسع احسن..وكمان اعتقد ان الحكومه عارفه قد ايه المواطن ده بيعانى.وعارفه انه مش مبسوط ومش مرتاح ومش عارف يعيش وطبعا ده حال المواطنين كلهم مش عماد حمدى بس!!
وبما ان دى حكومتنا واحنا كلنا عارفينها وعارفين حنيه قلبها علينا..وانها بتعمل لراحتنا ونفسها تبسطناوكمان هيا ادرى بمصلحتنا ..يبقى اكيد هيا هتشوف ان مصلحتنا فى شرب الدوا المسموم ده علشان نخلص من جميع المشاكل والهموم اللى عندنا..وكمان علشان نخلصهم من قرفنا ما احنا على رأىكمال الفولى فى عماره يعقوبيان المصريين كلهم متعلقين فى رقبه الحكومه كانها امهم اللى خلفتهم..
طيب مش ان الاون بقى نحس على دمنا ونخلص امنا الحكومه من التعليقه المهببه دى ونسيبها تشوف مزاجها بقى؟
يبقى اكيد يا جماعه النداء هيبقى كده:
من حكمداريه العاصمه ..
الى جميع المواطنين..
الدواء به سم قاتل..اشربوه وخلصونا
ولا الراديو اللى فضى نفسه وقعد يهاتى:
من حكمداريه العاصمه الى المواطن احمد حمدى .لا تشرب الدواء.الدواء به سم قاتل..
ولا البنت بنته المفعوصه مقصوفه الرقبه دى اللى دوخت الفيلم كله من اوله لاخره وفى الاخر تقول ليوسف بيه وهبى يا شاويش ال ايه وهوه يضحك كمان
لا وكله كوم وست مديحه يسرى كوم تانى خالص .ال لما سمعت مهاتيه الراديو راحت واخده فى وشها وجاريه علشان تنقذ سي احمد واللى ينقطك بقى انها هيا سبب الحوسه اللى الراجل فيها وكانت منفضاله وسيباله البيت واللى يشلك انها لما نزلت علشان تلحقه خدت المشوار جرى..طيب ما تركبى يا حجه ليه بس وجع القلب
يقولك علشان اثاره الفيلم .اثاره ايه دى ..
ايه بقى فكرنى بالفيلم ده؟؟
والله ما انا عارفه بس انا جه على بالى سؤال كده ،،لو الموضوع ده بجد وحصل فعلا دلوقتى هل ستتحرك الحكمداريه وينتقل يوسف بيه وهبى واتباعه ويعملوا غرفه عمليات لانقاذ المواطن اللى هيتسمم ده؟؟اصلا من الاول الصيدلى الى عمل العمله الهباب دى هيهتم زى حسين افندى رياض كده؟؟ويلف كعب داير علشان ينقذ سي عماد حمدى؟
ولو ده حصل ومديحه يسري سمعت ان جوزها العاطل اللى مش نافع فى شغل ومجوعها هيا وبنتها هيتسمم هتجرى بالمشوار كده علشان تنقذه وتوصل فى اللحظه الاخيره وتشوط باديها كوباية الدوا المسموم وهوه خلاص هيقربعه وهى بتصرخ احممممممممد بلاش يا احمد
وبعد كده بقى يلاقى المواطن ده اللى هوه زى اى حد ومالهوش اى قريب فى الحكومه ولا معارف واصلين سي يوسف بيه وهبى بحاله هوه والبفه بتاعته كلها فى بيته للاطمئنان على حمدلله سلامه حضرته .لا وكمان البت بنته ام دم تقيل تقول للباشا الكبير يا شاويش من غير ما يتلدع على قفاه؟
تفتكروا ده اللى هيحصل ولا ايه؟مش محتاجه تفكير هيا،،تعالوا كده نمسكها نفر نفر ونشوف
يعنى من اول البنت البارده اللى دوخت البشر بتوع الفيلم كلهم .معتقدش ان فيه عيل بيعمل كده ويلف الدنيا علشان يجيب دوا لحد عيان فى بيتهم بالكتير اوى دلوقتى لو بعت ابنك ولا بنتك للصيدليه هينزلوا لاقرب واحده للبيت ولو ملاقوش اللى رايحين يجيبوه هيرجعوا جرى ويقولولك ملاقيناش اطلبه دليفرى!!
الصيدلى بقى اللى عمل التركيبه القاتله دى،،يا ترى هياخد باله اصلا انه غلط؟؟ولو سلمنا انه اخد باله..هيجرى علشان ينقذ اللى هياخد الدوا ده ولا هيكبر وخلاص ويقول هوه وقدره بقى ويا عم انا مش ناقص مشاكل ووجع قلب؟
ولو اهتم وجرى على اقرب قسم يا ترى الحكومه هتهتم؟يعنى المأمور هيعمل زى يوسف وهبى كده ويشكل غرفه عمليات علشان ينقذ المواطن الغلبان ده؟اللى يا عينى مش عارف يلاقيها منين؟؟
من غلو الاسعار ولا من الدوا المسموم ولا من الخضار المسرطن ولا من فيروس سى ولا من انفلونزا الطيور ولا من لحم الحمير
اعتقد انه احسنله يشرب الدوا ويفلسع احسن..وكمان اعتقد ان الحكومه عارفه قد ايه المواطن ده بيعانى.وعارفه انه مش مبسوط ومش مرتاح ومش عارف يعيش وطبعا ده حال المواطنين كلهم مش عماد حمدى بس!!
وبما ان دى حكومتنا واحنا كلنا عارفينها وعارفين حنيه قلبها علينا..وانها بتعمل لراحتنا ونفسها تبسطناوكمان هيا ادرى بمصلحتنا ..يبقى اكيد هيا هتشوف ان مصلحتنا فى شرب الدوا المسموم ده علشان نخلص من جميع المشاكل والهموم اللى عندنا..وكمان علشان نخلصهم من قرفنا ما احنا على رأىكمال الفولى فى عماره يعقوبيان المصريين كلهم متعلقين فى رقبه الحكومه كانها امهم اللى خلفتهم..
طيب مش ان الاون بقى نحس على دمنا ونخلص امنا الحكومه من التعليقه المهببه دى ونسيبها تشوف مزاجها بقى؟
يبقى اكيد يا جماعه النداء هيبقى كده:
من حكمداريه العاصمه ..
الى جميع المواطنين..
الدواء به سم قاتل..اشربوه وخلصونا
